梁朝偉與劉嘉玲夫妻同心，有指梁朝偉與並肩作戰多年的好友王家衛反面不咬弦，加上東亞娛樂老闆林建岳以銀彈政策力邀過檔，故萌去意不再續約澤東。昨日梁朝偉親口澄清未有飛起澤東，並否認與王家衛不和之說。
近日有報道指梁朝偉和太太劉嘉玲跟合作多年的親密戰友王家衛擘面，不再續約王家衛的澤東電影，同時東亞娛樂老闆林建岳又重金禮聘，力邀偉仔嘉玲過檔，以包薪形式合作，希望二人能為他效力。
昨日就此事聯絡上梁朝偉，問及他和王家衛反面一事時，他說：「呢啲嘢久唔久又流傳吓，都唔係第一次，冇呢啲咁嘅事，向來同澤東合作好愉快，一切工作冇改變。」偉仔又強調劉嘉玲與他的想法一樣。
只靠口頭協議
至於澤東發言人梁小姐也澄清說：「我哋一向合作好好，並唔係只靠合約，呢啲唔係事實，將來我哋仲會幫梁生同劉小姐接工作，澤東仍然係佢哋嘅經理人。」
據知梁朝偉和劉嘉玲與澤東合作多年，雙方一直靠個「信」字，故未有白紙黑字簽約，只是朋友式口頭協議，多年來由澤東代接工作及抽佣。不過有指早前二人因以葉問為題材的電影《一代宗師》起紛爭，王家衛原定在數年前開拍，偉仔更曾往拜師學藝，可惜一直只聞梯樓響，開拍日期一拖再拖，不過該片其後被東方娛樂的黃百鳴搶飲頭啖湯，拍下《一代宗師．葉問》，並掀起戲名之爭，與此同時，一心做娛樂大亨的林建岳希望能將圈中紅星盡攬旗下，故以近億元銀彈利誘偉仔過檔，因而傳出是非。
採訪：李全