觀眾對《家好月圓》的角色又愛又恨，對劇中演員則一致好評，關菊英飾演的Sa姨雖然又煩又嘈，但昨晚記者在夜宴中訪問在場市民，綜合結果竟是Sa姨最深得民心，關菊英將這角色發揮出應有水平，更成為觀眾心目中的最佳女主角。至於夏雨飾演的Jo飽以豐富演戲經驗力壓林峯，成為觀眾心目中最佳男主角。
李小姐：我最憎就係表叔恭李成昌，佢好衰囉。上次第一輯《溏心》佢已經好衰，今次仲衰過上次，不過，佢咁衰先至好睇。
鄭太：如果有機會我都想睇第三輯，第一輯我都有追，今次仲爭得多過上次。最初我都唔想睇，之後就越睇越想睇，覺得好好睇。
鍾小姐：（最佳）女主角我覺得係關菊英，佢做得好好，好奸好有演技，奸得嚟又搞笑。我睇好佢，應該係佢攞。
邵小姐：男主角唔使講梗係Jo飽，雖然今次係嘈啲，但係做得好過上一輯，演得好好，我揀佢係大熱。林峯唱歌同演技都未夠Jo飽好，以佢呢個年紀演技同經驗都未夠班。
