【本報訊】首批一噸重江蘇太湖大閘蟹昨抵港，即吸引不少人搶購。供應商老三陽老闆祈廣楠表示，大閘蟹甫到港，已收到不少熟客定單，但因受股市影響，銷情較去年慢，「以前一日就賣晒，今日就賣咗八成度啦。」
祈廣楠說，今年大閘蟹因過去一年氣候適宜，雨量不多不少，故蟹質甚佳。他說靚蟹較重手，腳趾有肉，蟹身飽滿，尤其是嘴部位置越脹滿，代表膏越多。他又說部份人會刺大閘蟹的眼睛，看看蟹的反應來判定是否生猛，「其實咁係唔啱，應該係用手按吓近眼睛嘅位置，眼仔睩睩隻蟹就生猛。」
雖然大閘蟹已到港，他說最佳食蟹時期，一般應為重陽節後，但因今年天氣較熱，或需再多等數天，即大約新曆10月中旬，而重約6両的中蟹已極美味。