友人在大學時期已是天之驕子，大學一畢業就到iBank工作，早兩年好景，出花紅以百萬計，換車快過我換電話，最近舊同學敍舊，雖然佢所屬的iBANK健在，佢老哥仍然成為焦點；佢就好淡定咁講：「投資啲錢又唔係我，銀行清盤仲好，呢幾年我都冇放過假，去歐洲旅行好過。」
小弟雖然貼士輸多贏少，都唔似得友人咁冇承擔，好似上星期雙紅大戰，我拍晒心口叫人買利物浦，自己都有落番啲注㗎。
呢個禮拜又有英超大戰，雖然今次冇雙紅戰咁有信心，但曼聯問題多多，車路士讓平/半繼續追。
讓球：車路士（上）
心得：你估C朗係神仙咩？
近5場往績：WLW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！