英冠果然好賭過歐聯
禾確特好「弗」，冇咁易俾對手收檔
日聯3雄跌watt
網誌日期：2008-9-18
人心虛怯，成街大閘蟹，資金被綁死，生意淡薄，也許不應寄情賭博，更不可瞓身追數；但波馬六合彩在港係合法投注工具，十元八塊小注怡情唔係十惡不赦，總好過玩牛熊證同「Ikillyoulater」等衍生投資工具輸身家。連最穩陣嘅保險公司大銀行都現危機，無論你係幾穩陣嘅人，一出世，其實都喺度同個社會搏緊命，掙扎求存。
捱夜睇晒呢兩天歐聯，感覺上同以往有啲唔同。列強或許冇以前咁緊張，畢竟聯賽大過天；曼聯對維拉利爾嘅開賽陣容已嚇你一驚，阿仙奴作客基輔，未盡全力。皇馬對住巴廸亦冇意思大炒，強隊諗住踢6場點計都出硬線啦；二線隊好似羅馬、不來梅同祖記等名氣隊，亦必未有本事也文也武，故形成亂局。
𠵱家個股市咁亂，惟有寄情波馬。小弟擅用靈活玩，雞仔注買大摩馬有唔錯收穫，行政總裁應家柏果然多計；其實佢有冇想過搞好啲足智彩，吸引波迷下注，靈活玩買1拖2波膽3串7，5蚊注都係用130蚊，可以一博喎！
http://hk.myblog.yahoo.com/appleballmen/
蘋果波神個人資料
英國足球狂熱，願能年年去朝拜。
（逢周一至周五見報）