《溏心風暴之家好月圓》中的凌B黃宗澤，昨日與蒙嘉慧出席在尖沙嘴舉行的秋冬時裝滙演，二人即場演繹多套秋冬服飾，身穿低胸背心襯西裝外套的黃宗澤，更大晒結實的胸肌，惹來現場一陣尖叫聲，事後黃宗澤說：「𠵱家拍《烈火雄心III》成日都要操練，所以身形fit咗好多，同最高峯時相比，差唔多瘦咗10幾磅，不過我覺得仲可以好啲，所以我請咗個健身教練幫手。」
蒙嘉慧險跣倒
黃宗澤又表示：「如果遲啲操到線條靚，我都唔介意影寫真，就算要着三角褲都冇所謂。」他笑言因為近期股市波動，多多少少都有損傷，所以現在要努力賺錢養家。至於有指黃宗澤將簽約東亞做歌手一事，他說目前仍在傾談中，暫時不便透露。
此外，打頭陣出場的蒙嘉慧上台時險跣腳仆倒，事後她接受訪問時第一時間問：「有幾多人睇到差啲仆低呀？當時係跣一跣腳，我都嚇咗一跳，真係好彩冇事。」
採訪：何慧斯
攝影：陳順禎