老友Leo約我11月中去上海睇網球大師盃。雖則我嘅主打係足球，但對網球都算有啲研究，不過全部都係喺電視度睇，入場睇就未試過。
大師盃雲集世界排名前8選手好似係拿度、費達拿同埋廸祖高域，卡士勁成咁，真係值得一睇。而且，上海我有成11年冇去過，順便可以去行吓。
近排我同個市一樣咁沉，但港股喺前日同噚日反彈2,000幾點，希望我都可以反一反。今晚場德甲大戰拜仁慕尼黑主場對雲達不來梅，拜仁喺奇哥帶隊下相當對辦，相反不來梅就十足大市咁時好時壞，一於要拜仁單W。
主客和：拜仁慕尼黑勝
心得：自己沉咗咁耐，係時候反彈
近5場往績：LWL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。