可能自小睇《精裝追女仔》系列，對於呢類有啲粗鄙嘅笑片有情意結，喺王晶漸江郎才盡時，好彩外國有兩個笑匠好啱我心水，一個係賓史廸拿，另一個係阿當桑廸拿，所以阿當呢套《凸務卡啦蘇》，我一定會睇。
講番賭波，呢期喺擂台表現真係得啖笑，戰友蘋果波神苦口婆心咁話：「有勢勁嘅波唔追，專博久沉嘅波反底，盞累鬥累！」雖然「蘋波」講得有道理，但今期偏偏又要博勢勁嘅球隊斷纜。英冠卡廸夫城由季前熱身賽計已連續14場不敗，周六訪打比郡時受讓平/半，有冇咁筍呀？一於取打比郡上盤。
讓球：打比郡（上）
心得：卡廸夫城長路有盡時
近5場往績：WLW
吾中
買嘢講名牌，但賭波一定唔會做名牌奴隸嘅大聯盟女神。