李克勤前晚出席無綫奧運慶功宴，祝酒後便匆匆離場，而且面露疲態，原來他的菲傭日前不小心跌了他的乖仔Ryan落地令他受傷，正當克勤想怒炒她時，怎料菲傭先發制人辭職不幹，令他氣結，幸好Ryan只受輕傷，克勤笑言屋企發生巨變，為湊B更影響工作。
無綫為慶祝播映奧運收視理想，前晚在太子一間酒店筵開33席，慰勞一班台前幕後工作人員，陳志雲和樂易玲等亦有出現，不過曾擔任主持但現在被無綫雪藏的葉翠翠則未有現身，李克勤和鄭裕玲（嘟嘟）僅出席祝酒部份便趕着離開。
問克勤為何趕着走，他說：「我屋企發生巨變，你睇我黑眼圈就知我要早走，我個菲傭走咗，佢跌親我個仔落地，我都未開始處理未鬧佢，佢就先發制人炒我話辭職唔做，我即時叫佢走，因為怕有口水雞食。」
「兩日冇乜點瞓」
問到乖仔11個月大的Ryan傷勢如何，克勤表示只是眼瘀了少許，幸好沒有大礙，令他放下心頭大石，他無奈地說：「原來全家最大個皇帝係個菲傭，我已經兩日冇乜點瞓，搞到我連歌都錄唔到，因為把聲唔好。」克勤表示對於張學友之前炒菲傭事件感同身受，不過他自言還慘過學友，因為被菲傭先發制人。另外問到股市大跌有沒有受影響？克勤笑說：「我啲投資都係由老婆同老竇去搞，見佢哋面色冇乜嘢，好平靜，應該冇乜事。」記者笑指譚詠麟失蹤，克勤表示沒有，日前還和他通電，沒有異樣。
劉璇做香港人
問到嘟嘟有沒有因為股市大跌而身家縮水？她說：「身為香港人，實會買少少，身家縮少少，我一向買實力同有前途嘅股票，𠵱家想入市係好時機，不過最好用多餘錢，我自己都係。」嘟嘟又希望有機會主持四年後在倫敦舉行的奧運會。
劉璇由內地來港，她表示已經透過優才計劃成功成為香港人，問到會否在港長住？劉璇說：「暫時不會，因為在北京有不少工作。」至於會否簽約無綫？劉璇助手表示雙方有接觸，而劉璇本人則表示會慢慢考慮。
採訪：楊潔雯
攝影：仇志德
