因為淫照風暴令形象插水的鍾欣桐（阿嬌），近日積極參與慈善活動，繼日前到四川災區探訪後，其經理人霍汶希（Mani）前晚透露阿嬌稍後將出席「最具善心演藝人」活動，似乎想藉此為形象洗底；另外，據知阿嬌年底將主力接拍電視劇集。
鍾欣桐因為淫照事件令工作幾乎全面停止，除月前到美國為奧利華史東（OliverStone）執導的新片《W.》做茄喱啡外，她與方力申主演的《出水芙蓉》上映無期，甚至連新片《梅蘭芳》僅有的5分鐘戲份，也面臨被刪剪命運，事業插水。
籌10萬添裝贈災民
前晚阿嬌經理人霍汶希（Mani）、無綫製作資源總監樂易玲、張舒雅、馬賽、張嘉兒和陸詩韻等，到尖沙嘴九龍酒店出席某雜誌周年活動，而黃宗澤和蒙嘉慧則在活動上行時裝騷。
記者問Mani阿嬌何時開工時，Mani說：「會逐步嚟，會拍劇先。有日見佢攞住個紙袋周圍走，原來係搵人捐錢，因為就嚟凍，佢想買啲衫畀四川啲災民，最後籌得10萬蚊。阿嬌嚟緊會出席香港舉行嘅『最具善心演藝人』活動，之後就會拍電視劇。」據知阿嬌將於年底接拍一部動作劇集，深信阿嬌先行拍劇，是因為電視劇夠入屋，效應較接拍電影更大所致。
陸詩韻AIA投保
另外，王喜近日與鄭嘉穎因拍《烈火雄心III》而鬧不和，記者問樂易玲可有找王喜傾談時，她說：「佢拍緊劇，唔使擔心佢唔開心，每個artist有自己性格同要求，我對個個都一視同仁，artist係TVB資產，會幫佢哋發揮到最好。」
此外，美國AIG財政陷入困境，令附屬公司友邦保險（AIA）也被捲入信心漩渦，對此陸詩韻說：「自己喺AIA買咗幾份保險，我有信心，所以一定唔會cut。而我嘅股票喺3個月前已經全部放晒，𠵱家只係淨番啲國內房地產股。」
採訪：何永寧
攝影：陳志嵐