孫耀威噚日到商台接受訪問，不過喺屋企出門嗰陣發生車禍，好在只係小事冇人受傷，但係架車就變咗花面貓，因為佢架車撞到前面架大貨車，對方架車冇事，所以冇報警，亦都唔使賠錢。孫耀威又話佢阿媽成日話恨抱孫，仲提議佢秘密結婚生仔，記者問佢有冇帶楊秀惠見阿媽時，佢好大反應咁話：「唔好提。」