無論市旺或者市淡，跟紅頂白往住較為得心應手，尤其是足球博彩唔同賭馬賭股，越贏越評分高負磅重或者PE超高，而變得值博率較低嘅情況相對較少出現，續攻二線波，貼士仍熟口熟面，不過重心轉向日職聯，川崎前鋒主場殺退FC東京，單W1.62倍，合晒我胃口。
你看看日乙王廣島三箭便是最佳例子，盤路之強屬目前足智彩開盤數百球隊表表者，來屆穩升回日職聯，最近連續4場大勝，上次作客對次席的山形山神，只開讓平/半，如果學某收費台啲所謂專家講，呢類屬鬼盤；其實係人係鬼，都係自己心魔作祟，不如揸住一啲較中線嘅好球隊，長追更合理。人哋喺股市博到大奇迹日反底，咪拍吓手掌咯，邊恨得咁多呀！
前鋒越戰越勇
說回老本行，今次推介3隊屬小弟個人中線長追愛隊，為唔想老編難做，個個禮拜都係伯明翰同列斯聯，今次首選個人命中率一向不高嘅日職聯，捧前鋒玩轉來訪嘅FC東京。上季因踢亞冠盃致兩邊唔到岸，今季陣容執過，踏入季尾越戰越勇，目前排第5，與榜首鯨魚只差4分；加上主要對手紅鑽及鹿角似無復上季霸氣，令前鋒後上封王大有可能。從多次直播看，該隊攻力強橫，鄭大世、域陀祖利亞、黑津勝及谷口博之等炮手眾多，入球僅次於鹿角；排第6嘅FC東京雖非善類，但今場缺中場指揮官羽生直剛，難全身而退。兩隊近年交手經常大手交易，波友宜備忘。
列斯聯繼續追
另外兩隊不用贅述，伯明翰穩勝不擅作客嘅黑池，只嫌分頭較乏味；至於近期至愛嘅列斯聯，作客到主場王卡素爾，莊家開平手盤，鬼盤？咪可能係廣島三箭翻版，列斯聯今季穩升回英冠，要長追。拖多注，博我至愛嘅深夜聯賽－－巴甲，捧正打護級戰嘅富明尼斯單W。
近5場往績：WWL
蘋果波神
水準有目共睹，長跟必有着數。