我係阿紅，接觸越南菜已廿幾年，因為我自出娘胎，我家人就做越南菜，所以我可以話喺越南菜香味中長大，後來家人來到香港，順理成章，我最後都係入行做番越南菜。我最拿手整粉卷，因為我鍾意食，軟滑嘅粉皮，包入唔同嘅餡料，加埋越南魚露，真係味覺嘅享受，特別係我嘅越北蒸粉卷，包冬菇、札肉、沙葛同花生等，估唔到仲可以入選到今年「明火食神爭霸戰」，雖然拎唔到獎，但已係相當寶貴嘅經驗，可以見吓大場面。而其他我最滿意嘅菜係湯底用香料加牛骨、腩，熬足幾個鐘嘅越南牛肉河，同埋用我秘製越南汁醬做嘅走地雞海南雞飯，有機會嚟試吓，畀吓意見我啦，多謝晒。
越式海南雞飯，醬汁好重蒜味，跟新加坡同泰式略有不同，$38。
十八越南牛肉粉（21482878）
旺角砵蘭街175號地舖（近豉油街）