近日大市風高浪急，劉嘉玲逆市開店做生意，賭王何鴻燊前晚在中環出席Adidas「SportinArt」運動視界藝術展時，一樣睇好股市，更暗寸被大市蒸發過百億的四叔李兆基。
股票鎖夾萬
賭王被問到對近日股市大上大落的看法時，他說：「我睇好！總之𠵱家一直冧一直冧，去到最低就會升，我一啲都唔擔心。」記者再問：「見底未？」賭王答：「四叔都唔敢講呢句，你問吓佢吖。」提到四叔炒股大大損手，賭王就笑笑口說：「我呢，永不炒股票，我啲股票呢，叠埋入夾萬，係咁多。」
問到賭王近日因逆市身家縮水多少時，他死撐說：「我一啲影響都冇，起多多，跌多多，我一啲事都冇，一樣大覺瞓！」會否再入市？他說：「冇嘅，所有股票呢，有上有落，冇問題，個個學我嗰籠（放入夾萬）就冇問題嘅。」
碧咸畫拍賣
早前賭王女兒何超瓊曾謂要向前夫許晉亨借種生仔，賭王聞言即時收斂笑容，皺晒眉頭說：「一啲都唔贊成！」為何不贊成？他滿臉不滿地說：「垃圾！」
此外，同場周慧敏透露今年12月會首次參加油畫展，正努力製作兩幅新油畫。而場內展出的慈善拍賣畫作中，有一幅由碧咸所畫的作品，內容是一個身穿七號球衣的球員，碧咸畫風筆法充滿童真，畫作拍賣底價則由8萬港元起。
採訪：羅慧敏
攝影：陳慧安
