以前周不時鬧愛煲劇嘅牽牛儍，自己最近放大假都加入師奶兵團，追睇咗幾集《溏心》，驚覺劇情同現實脫節，你幾時見過香港地一家人可以晚晚團聚？明明個女嫁咗出去仲餐餐喺娘家食飯？仲有由金像獎最佳新人做嗰個聰明女，點解一而再俾前男友屈水，仲搞大埋個肚要墮胎？
或者，正因現實唔可能出現，先至吸引人追睇，而藍鑽石一路鬧人唔真實、無厘頭，一路睇落去，死未？一路鬧一路要追嘅，仲有愛隊AC米蘭，明晚迎拉素個W唔夠1.6倍，係擦鞋但信心指數同明晚《溏心》結局嘅收視肯定一樣，爆燈！
主客和：AC米蘭勝
心得：AC同我唔會3連敗啩？
近5場往績：LLW
藍鑽石
與簡拿華路同日出生嘅囡囡入學，今季大把時間睇波，尤其係意甲。