由台灣男星吳尊及蔡卓妍（阿Sa）主演的新片《武俠梁祝》即將上映，電影由拍攝至宣傳期間，二人不斷傳出緋聞，名花有主的阿Sa和專注事業的吳尊，都坦白承認曾經有為對方心動的一刻。
蔡卓妍和吳尊日前接受本報專訪時，阿Sa大讚吳尊雖然是首次拍電影，但表現得非常認真，熟讀劇本，並指男方除是專業演員外，更是一個勤力的商人，她說：「我唔覺得佢係新人，雖然佢係第一次拍戲，但係表現得好專業，而且見佢一有時間就攞住部電腦打理生意，知道佢仲開咗幾間健身中心。」
親熱感尷尬
認識吳尊後，阿Sa直言覺得二人很投契，又謂拍攝親熱戲時表現尷尬，對方更令她有心跳的感覺。阿Sa說：「我哋兩個角色對於愛情好內斂，場戲咁啱要我哋表現尷尬，個感覺幾好，佢畀到我有初戀同心跳嘅感覺。」若然阿Sa還未名花有主，會否對吳尊心動？阿Sa說：「要睇吓夾唔夾，呢樣唔可以猜測，佢絕對係好多人心目中嘅好男仔，不過，我同佢做朋友好啲。」阿Sa強調在圈中很難找到真朋友，她與吳尊這份友情很珍貴，希望友誼長存。
阿Sa透露吳尊的生活十分健康，每日開工都會預備很多水果，就連大熱天也不喝凍飲，阿Sa說：「佢個人幾戒口，我就忍唔到，好鍾意飲凍嘢食零食，我哋係兩種唔同嘅人。」
煲湯夠體貼
曾與台灣女子組合S.H.E成員Ella傳緋聞的吳尊，表示現時仍屬單身，更沒有時間拍拖，他說：「我沒有空餘時間，拍拖會令女朋友很辛苦，不過，如果遇到有感覺嘅女仔，有機會都會發展。」他又表示不認識阿Sa的男朋友鄭中基，但知道對方的存在。吳尊坦言曾對阿Sa有動心的感覺，他說：「拍戲時係有，而且佢對我好照顧，有煲湯畀我哋飲，拍戲之後我哋係好朋友。」
採訪：張俊銘 攝影：林德雄
