麥浚龍（Juno）和周國賢（Endy）上月齊到日本，拍攝旅遊特輯《點解東北咁過祭》，整個節目均是介紹日本不同地方的祭祀儀式。原來Juno於年尾推出的大碟，Endy也有份幫他作曲，二人因而成為好友，當Juno得知可邀請一位好友齊到日本拍攝，即請來Endy同行。
參與祭祀儀式
Juno笑道：「請女仔一陣又傳緋聞，請男仔一陣又話斷背，咁Endy結咗婚，女都有兩個，相信乜嘢都唔使傳啦！」拍攝過程中，Juno和Endy參與了不同的祭祀儀式，更有機會穿上祭祀的指定服飾，令他們大感有趣。Juno說：「通常去日本我一係去開會，一係就去shopping，今次呢個旅程真係好唔同，去一啲好鄉郊嘅地方，感覺真係好唔同。」
此行Juno最大得着除了見識東北風土民情外，就是好友Endy充當攝影師為他拍了很多靚相，Juno說：「我平時去旅行都係影風景，真係好少會自拍，呢排Endy愛上咗攝影，所以佢做埋我攝影師影咗好多靚相。」
採訪：李珮洳