韓國男歌手Rain下月會推出全新專輯，佢對新碟反應非常緊張，星期二由洛杉磯返首爾後，翌日即刻去拜祭亡母，向媽媽報告就嚟出新碟。Rain嘅媽媽多年前喺囝囝正式出道前兩個月因病逝世，當年Rain忍痛捱到成為樂壇天王，佢一直以嚟都以媽媽為榮。Rain同日亦去咗韓國MBC電視台，商討下月播放嘅回歸樂壇個人特輯。