謝寧（左）日前錄影有線節目《主播會客室》大談前夫岑建勳，佢話當年拍拖係因為仰慕前夫有愛心同有大志，同自己理念相同，但係諗唔到婚後先至發覺岑建勳對街外人好好，對家庭就好差，事關佢擺太少時間喺屋企，後嚟佢哋離咗婚，為咗個女至繼續一齊住。謝寧仲話自己唔識同岑建勳溝通，冇同佢表達心中不滿，呢樣亦係婚姻失敗嘅原因，講到將來有冇機會復合，佢就話隨緣啦！