我係Alan，有人叫我做滿樂亭李璨琛，亦有好多人都話我個樣Cutie，似卡通人物。我今年23歲，做二廚，其實我已入行4年，做日本料理開始，年幾前先至轉做韓國料理，而其實做法都有少少共通點，只係啲材料名有啲唔同，所以都唔會太難上手。我最鍾意人哋叫我伙頭智多星，其實要做個好廚師，技巧上我仲要慢慢學，但係我就勝在個腦轉數快，有時鬼主意都會成為做新菜靈感，好似我手上呢個上湯韓式湯粉絲，就係我落場時候搵啲材料東拼西湊嘅成果，不過做出嚟嘅效果又幾好，最後索性當埋新菜推出，而且仲幾好反應㖭，所以食嘢有時真係好講創意，我當然希望將來做一個智勇雙全嘅廚神，大家有時間就嚟支持吓我啦！
芝士豬扒石頭飯，靈感來自pizza，夠創意，$58。
滿樂亭韓風料理（29559066）
鑽石山荷里活廣場2樓214號舖