睇燕豪芬，哀荷蘭波
重心雷丁W順利開出，但估唔到開埋主其他
利記連續兩場有運行
網誌日期：2008-9-17
足協盃首圈評無可評，各隊對呢個盃仔嘅心意難測，連收費台都唔願播，成個禮拜，終可以有一日早啲瞓唞唞咯。
車仔大勝4粒，大菲仍發炮，喺環球經濟出現大危機，球星個個薪高糧準閒閒哋百幾萬港元一個禮拜人工，應比其他人做得更好。
大菲發炮，我都想代球迷代同事向足智彩發炮，莊家整天也意圖玩24小時受注，乜聯賽都賭一餐，但資訊嚴重不足，又話同英國方面搭通天地線，但翻開足智彩嘅官方網頁，我至愛嘅英冠英甲開咗成個月，但內裏球員名單空空如也，修咸頓仲有新加盟球員叫堅韋尼鍾斯，但查實呢位千里達射手上季已去咗新特蘭；英甲班霸列斯聯，球員資料得3人，連王牌射手碧福特也榜上無名。葡法隊資料亦欠奉，周中巴塞隆拿對士砵亭有開首球彩池，但士砵亭在馬會資料庫得3、4人，離譜！
打開門口做生意，請君入甕也要拿點誠意，經濟逆轉，你睇吓XX兄弟（唔係雷曼兄弟）嘅廣告，人哋𠱁你借錢幾有誠意！
http://hk.myblog.yahoo.com/appleballmen/
蘋果波神個人資料
英國足球狂熱，願能年年去朝拜。