名模琦琦近年忙於湊女，只揀熟悉嘅品牌合作，早前佢為首飾品牌ARTINI拍攝08秋冬新廣告，琦琦電咗個型格爆炸頭，着上唔同嘅性感晚裝、吊帶裙同貼身長褲，展示今季大熱嘅配飾。琦琦話都知道有唔少性感戰衣，所以拍攝前一星期已戒食甜嘢，務求以最佳狀態亮相。當日喺影樓拍足全日，琦琦仲不斷舞動衣服，又躍起擺甫士，拍足八小時。