又中利恩波膽，近期有勢！
阿仙奴小虎隊作客基輔，仲唔失波？
足協盃只播一場，離譜！
網誌日期：2008-09-16
周二清晨一路睇熱刺點輸，一路睇住個美國股市大瀉，引用一位台股分析員講，喺現今時勢應該多看少做，更為恰當。
近年從未看好過熱刺前景，主因係變得太多，好多人包括同事牽牛，話佢哋輸畀維拉其實已踢得唔錯，小弟有所保留；最感無奈係領隊拉莫斯將陣容大變，原本高價購入球員如賓尼及杜斯山度士先列後備，用侯度史東卻棄贊拿斯，結果莫廸歷受傷；加上一早失波，成個陣容一路踢一路執。
喺咁重要嘅戰役（兩隊季前皆視為可威脅Big4），熱刺好似當友賽踢，柏夫里約真高拍戴倫賓特，生疏！杜斯山度士今季連同踢墨西哥正式比賽一球也未入過，值1,500萬鎊嘅賓尼尚在適應期；最慘，被視為荷甲鋼門嘅靴里奴高美斯也蝦碌，今季又玩大讓賽。
股市進入熊三，也不應將股份掟埋一邊，費事眼寃，反而要多留意多做功課，靜待低吸機會；雲格兩年多前買禾確特，事前搵球探睇呢位英國小子50場比賽，然後自己在一場青年盃決賽後才扑鎚買入，要成功，需要長年持續忍耐作戰，口袋冇乜錢咪忍吓囉，冇壞喎。
http://hk.myblog.yahoo.com/appleballmen/
蘋果波神個人資料
英國足球狂熱，願能年年去朝拜。
（逢周一至周五見報）