26歲的謝婷婷經過兩年待業後，正式加入娛樂圈，入行個半月來，只接了4、5個job，她透露收到模特兒公司的酬勞，連家用都不太夠支付。不過講到姪兒Lucas時就心情輕鬆，更大爆兄長謝霆鋒有意追個女兒。
謝婷婷7月開始高調宣佈加入娛樂圈，主力做模特兒，昨日她和王敏德、馬詩慧夫婦在中環出席網上購物網站OneNow.com宣傳，她自爆19歲開始有附屬卡用，她說：「人生第一張附屬卡係爹哋（謝賢）畀我嘅，我第一時間瘋狂去買嘢，買衫褲鞋襪，冇耐就碌爆卡，即刻俾爹哋cut咗卡，後來佢唔捨得我冇卡用，又開番畀我。」
唔夠畀家用
婷婷現時搬到和DJ男友Drafus同居，自力更生，沒有再靠父蔭的婷婷也嘆謂：「𠵱家發覺搵錢真係唔容易，我啱啱收到模特兒公司出咗糧，我冇特別去睇有幾多錢，不過，我啱啱出嚟做嘢，都係啱啱夠用，未能夠畀家用屋企住。」
其實婷婷現時由一間多媒體公司代為接job，出席一般活動，酬勞大約有三萬元，雖比不上「城嫂」熊黛林、「黎明嫂」樂基兒，但已比資深兼有名氣的模特兒如AnaR.、「翻版關之琳」Jocelyn等多。不過，婷婷工作量低，由7月宣佈入行後，至今只出席過四個活動，唯一大筆收入應是商場廣告，難怪她連家用都未夠畀。
Lucas黐媽媽
此外，婷婷透露前晚追月夜，和拉姑、兄長謝霆鋒、大嫂張柏芝和姪仔Lucas食飯，她說：「姪仔真係好黐媽咪，阿哥都想追番個女，有仔有女梗係好啲啦，𠵱家阿哥對住Lucas，係mantoman，有個女可以soft啲。」
採訪：WinningHo
攝影：ChenWaiOn