【本報訊】美容院女東主葉秀芬（56歲）遭殺害藏屍行李篋棄置沙井案續審。控方昨在高等法院播放次被告袁妙芬的警誡錄影會面。次被告聲稱，只是應朋友、首被告要求，出面相約死者，務求替另一朋友鮑江強查探遭死者騙去款項的下落。袁指首被告自稱跟「肥仔」均是「特工」，她負責買飲品，由他們加入「測謊粉」令死者招供，否則「隊冧佢」。
「佢哋好毒辣」
袁妙芬講述，去年6月19日當日，死者飲過飲品後陷昏睡狀態，遂通知首被告及肥仔，繼而目睹首被告把袋套在死者頭部，肥仔則用電線勒死者頸部。袁表示，「我諗住佢哋話測謊粉，整到佢暈咗，搬去一個地方再嚴刑逼供……，冇諗過會死㗎！」
袁解釋，未有趁機逃走及報警，「佢知道我屋企嘅情況，我知道佢哋啲手法好毒辣，我好驚……，我只要聽佢話，我就會安全，保護到我屋企人！」因為同月21日，她收到陌生男子來電恐嚇，並指示她立即離開香港。
首被告黃向榮（32歲）及次被告袁妙芬（51歲），同被控謀殺及阻止合法埋葬屍體共兩罪。
案件編號：HCCC43/08