應屆港姐冠軍張舒雅日前到匈牙利布達佩斯，參與香港貿易發展局主辦嘅「時尚生活匯展」。當日開幕禮後，張舒雅着上由著名設計師馬偉明設計嘅服裝行騷，身材高䠷嘅佢表現絕不比專業模特兒遜色。張舒雅又去咗布達佩斯嘅著名景點漁夫堡拍攝宣傳照，佢一邊工作，一邊欣賞當地優美嘅環境，都咪話唔寫意。