雷曼破產，花旗股市隔晚勁跌逾500點，但危機顯然未過去，AIG同埋WashingtonMutual被評級機構調低信貸評級，加深咗呢兩間公司破產危機，如果真係破產，就算聯儲局減息都唔會救到短期個市。
港股噚日跌咗1052點，成交大增至884億元，啲股民都冇晒心機，亦唔敢博反彈，噚日窩輪成交大幅縮減。
滙控C輪13893：滙控（005）噚日雖然跌，但算係跑贏大市，暫時會係好友頂住個市嘅工具，股價反彈有機上番123元，可以買少少C輪13893博吓，隻輪現價6.1仙。
正股升上123元，13893可見8.1仙，正股跌穿115元就沽咗隻輪止蝕。
俊樺