出道不足三年已躋身一線歌手行列的側田，曾被外間指他口不擇言，前日他在無綫接受《娛樂直播》訪問時又大發偉論，直指已故歌手張國榮沒有唱歌技巧，而梅艷芳比他好些少，更說唱歌只顧高音是膚淺、流於表面。
將於下月1至6日舉行演唱會、近日馬不停蹄四出宣傳的側田，前日亮相無綫節目《娛樂直播》接受主持人陳芷菁訪問。近年被指口不擇言的側田依然故我，在訪問中品評前輩歌手。
「高音係膚淺」
芷菁指每個歌手都想唱好live，但可能因不夠氣及技巧未拿揑好，側田即搶着說：「唔好理呢啲，唱得好唔好，唔關技巧事，唔關有冇氣，係個feel（感覺）同埋把聲！最重要呢兩個point，technique（技巧）係其次！」
其後越講越興奮的側田更大發偉論說：「你睇吓張國榮唱歌，佢其實technique唔係好……勁，但佢一上去嘅震撼、壓台，嗰樣嘢囉，佢把靚聲，佢個感情。佢好似講嘢咁，佢唔係唱㗎，如果你真係睇，你睇清楚，好似梅艷芳咁，梅艷芳technique好啲，但佢哋兩個真係……呢個係我個台，嗰種自信，最緊要呢樣嘢。」側田又指唱歌時不要着重高音，他說：「唔好理話啲音準唔準，啲音高唔高音呀，嗰啲係膚淺呀，好表面！」
自爆剛分手
評完前輩唱功，側田又自爆曾想與女友結婚生子，惜自己不懂珍惜，早前更分了手，原本創作示愛的新歌《30日》，竟變了分手的輓歌，他說：「終於識到個改變到我愛情觀嘅人，令到我想生仔、想結婚嘅，但我自己又衰仔唔識珍惜，咁就失去咗，但我寫呢首歌時係佢去咗工幹30日……有一日咪寫咗呢首歌，話好掛住佢……但有個笑話就係，當我錄呢首歌嘅時候，我哋就分開咗，啱啱分開咗，當你愛到最高峯時，反而就分開咗，所以本身寫首歌係甜，但𠵱家聽番係慘。」側田口中的前女友，令人猜測就是和他傳緋聞的林苑。
撰文：林妃
