相信各位讀者好清楚，投資投機甚或談情說愛，第一大戒條，就係要嚴守止蝕，當喺未蝕到入肉嘅時候，揮慧劍止蝕。
最近，聯儲局一而再、再而三咁違反止蝕嘅戒條，仲要鼓勵班銀行家齊齊唔遵守止蝕，可謂做壞晒規矩。聯儲局決定以850億美元，換取全球最大保險公司AIG八成權益，此舉會畀其他損手嘅金融機構一個錯誤期望，就係自己投資嘅風險，原來可以轉移去納稅人身上，試問金融機構們還會止蝕嗎？
投資風險轉至納稅人
聯儲局的行動，至少有兩個問題。第一，借錢的機構，例如AIG，財政狀況本已不堪入目，需要急錢，這顯然是個典型的高風險投資。換言之，聯儲局是賭AIG未來有可能完全復原，可是850億美元不是小數目，這鋪賭得很大。
其次，聯儲局亦借錢予一些同意購買同業的金融機構，例如同意買下貝爾斯登的摩根大通，以及同意買下美林的美國銀行。以上這些收購或合併，通通在緊急的情況下進行，例如美林若不被收購，差點就成了另一個雷曼兄弟。因此，聯儲局根本不能仔細分析收購或合併的成效，要知道，合併不一定帶來協同效益，換了一家謹慎的銀行，它絕對不會押注於那些前途未卜的合併。
如情愛要揮劍止蝕
其實道理好簡單，情況同談情說愛一樣，一段押錯注嘅關係，如果唔止蝕，係一方面延長咗爆大鑊嘅時間，兼且會縱容嗰啲壞男人同壞女人，畀機會佢哋繼續傷害你。累積到最後，爆起上嚟就更加非同小可。聯儲局嘅行為，基本上一樣，佢地想將爆鑊時間拖長，卻不知不覺咁畀個錯誤訊息班金融機構。
投資市場向來都係汰弱留強嘅世界，睇錯市，買錯股，就要承擔睇錯嘅風險同後果。同樣道理，睇錯市嘅金融機構，破產理所當然，他們的股東要是一毛不剩，他們的員工要是失業，也是理所當然。最怪誕是，AIG的香港員工，一夜之間，都成了美國公務員。
尹思哲
網誌： http://wanszezit.wordpress.com/
電郵：mailto:[email protected]