我叫Jason，姓Dao。唔好奇怪點解個串法咁特別，實情我係越南華僑，Dao嘅中文即係姓姚。當我十幾歲就跟隨屋企舉家移民去美國，大概因為我屋企人亦係廚師關係，以前亦曾經開過廚館，所以我細細個已經受屋企影響，鍾意自己煮嘢食。雖然屋企人都係做廚師，不過唔會畀壓力我，俾我自己發揮。越南菜之中我最鍾意食BANHXEO，即越南薄餅，因為我細個時媽媽最鍾意整畀我食，漸漸我都愛上食BANHXEO。初初到香港只有幾個月，發現原來香港人同越南人口味好唔同，原來香港人鍾意較香口、濃味重，又較鍾意用名貴材料煮食，相比之下越南用料較簡單。入行雖然只有短短兩年，都想試試做更多新菜式，不過就要睇睇總廚畀唔畀機會啦。
攝影：林栢鈞
蒜茸大蝦煲$180
經Jason改良過，湯底選用越南入口新鮮椰青水，比起用傳統椰漿更香口。改用中國海蝦肉質更爽口，湯底鮮甜不算辣，入口蒜茸味非常香口。
LeSoleil越南餐廳（27332033）
尖沙嘴麼地道69號帝苑酒店3樓