繼由童星志田未來主演嘅日劇《14歲媽媽》之後，一套講述小學五年級女童懷孕故事嘅電影《小孩的小孩》，將喺今個月27日喺日本上映。今年11歲嘅童星甘利春菜從400名參加試鏡嘅小朋友中脫穎而出成為女主角，為感受做大肚婆就生嘅滋味，春菜喺拍攝前每日都會喺腰上加沙包。女星麻生久美子扮演小學老師，電影已安排喺下月韓國舉行嘅釜山電影節上映。