商台DJ森美、小儀昨日為宣傳《森美小儀歌劇團》，帶同王菀之（Ivana）、楊愛瑾（Miki）和薛凱琪（Fiona）到尖沙嘴宣傳，更趁酷熱天氣大派軟雪糕。森美和小儀透露劇中男、女演員都會大賣性感，更指若昨天首日公開售票全場爆滿，兩人就會加演一場情慾戲。
王菀之做老闆
有份出席宣傳的Ivana昨日狂啖軟雪糕，原來她自小已希望能成為雪糕車老闆，她說：「我打過去問買車要幾多錢，不過原來已經唔發牌，所以要等有人退休先有機會喇。其實我自細已經好想做生意，仲想投年宵市場個魚蛋檔。」
至於久未以歌手身份出席活動的Miki則透露準備錄歌，她說：「自己都數唔到有幾耐冇做過喇，我諗都有兩年，上次係當時Cookies仲有四個人嘅時候。」問到何時會再推出唱片時，Miki說：「明年啦，𠵱家我每個禮拜都會練兩次歌，公司𠵱家計劃緊，不過一定唔會係玉女形象囉。」
採訪：藍文浩
攝影：陳志嵐