雷曼救亡失敗申請破產保護，成為史上最大清盤案，加上AIG又聞到「爆煲」氣味，引發全球股市海嘯，道指年內終於出現超過五百點跌幅，港股昨承接美股大跌，一度急瀉逾1300點，萬八點水平話咁快就到。
午後大市跌幅略見收窄，埋單計下跌1052點或5.4%，恒指收市齊頭報18300，成交大增至884億元。
早前星俠提及宜趁高沽出內銀股，該板塊股份已掀起拋售潮；其實內地突然出手減息，表面睇對市場當然有積極意義，但有口痕友話，會否大陸已意識到內地經濟也有危機，所以做定嘢先？
回到911後低位
全球市場立立亂，油價亦跌穿95美元一桶，換轉在太平盛世，航空股、石化股如儀征化纖（1033）呢類受惠油價下跌股份已炒到飛天，惜時移世易，該股昨續跌13.9%至0.68元，重返七年前911後低位水平。
方星俠