由陳鍵鋒、林峯、吳卓羲同馬國明合演嘅新劇《少年四大名捕》就快播，陳鍵鋒噚日接受商台錄音訪問，主持問佢佘詩曼有冇去探班？佢即刻話：「唔知喎！佘詩曼係邊個嚟㗎？佢冇嚟過。」另外，主持人叫佢揀一個最好嘅朋友拍拖，陳鋒鍵揀咗徐子珊，至於喺套劇裏面嘅四個男仔之中揀一個玩斷背，佢話：「梗係揀林峯啦！下半世可以唔使憂，啲報道話佢用8位數字買樓喎。」