古天樂昨日在銅鑼灣出席聯合國兒童基金會活動，他早前往尼泊爾作親善探訪一星期，更遇上政變，令他有深切體會，他說：「去到嘅時候咁啱係戒嚴，有好多軍人，仲不時查車。」
問古仔可擔心安全問題？他說：「去之前睇到報紙話有炸彈，不過都冇擔心，只係知道局勢緊張，同埋只係市中心係咁，我哋去探訪嘅地方好偏遠，冇影響。」
關注被虐婦女
古仔還與當地的兒童一起搬沙石，他說：「佢哋就靠呢啲工作搵錢，真係好想幫到佢哋，因為尼泊爾係一夫多妻制，所以有好多婦女被虐待。」古仔呼籲大家捐錢幫助他們解困，他除捐錢外，也助養了不少兒童，他還考慮成立基金會，幫助更多人。
採訪、攝影：胡比