鄭嘉穎與佘詩曼傳出搭上後，前緋聞女友周麗淇飽受情傷。鄭嘉穎昨日如常開工拍劇，他被多番追問感情生活如何時，不自覺洩露口風：「都話冇拍拖。」
無綫劇集《烈火雄心III》昨日在九龍灣封街拍攝一場爆破場面，講述胡杏兒與鄭嘉穎遇上車禍，汽車翻側，同時另一車輛發生爆炸，火燄冲天，嘉穎即時拉胡杏兒逃離車廂，昨日天氣酷熱，拍攝時大家都幾乎全身濕透。
「回應過就算」
鄭嘉穎昨日明顯有備而來，每當提及到他與佘詩曼和周麗淇的戀情時，他均回答：「緋聞唔講，回應過就算。」雜誌指阿佘「姣佘奪穎」，女方又買毛冷織溫暖牌，鄭嘉穎統統不作答，即使問到他有否與周麗淇聯絡及有否在電視城撞見時，他持同樣態度。直至被問到感情生活開不開心時，鄭嘉穎突然吐口風：「都話冇拍拖，唔係我答錯，應該話關於緋聞嘢我唔答。」意味着與周麗淇的一段情已畫上句號。
杏兒佳節拍拖
黃宗澤和胡杏兒昨日齊齊在場開工，二人前晚中秋佳節在內地情侶檔登台，拍拖搵錢，胡杏兒昨日熱得香汗淋漓，她說：「天氣好熱有啲暈，今日係拍劇有史以嚟最辛苦同最驚一日，架車翻側咗去我嗰邊，有啲危險，喺車廂內嘉穎又好大汗，狂滴落我身上。」鄭嘉穎有新緋聞，杏兒表示也有聽聞，認為只是緋聞很快會過去，至於近日有否察覺對方蜜運中，杏兒說：「Feel唔到喎，如果佢拍拖都戥佢開心。」
採訪：卓寶花
攝影：黃偉雄