梁繼璋前晚在荃灣大會堂舉行「繼續開show梁繼璋」，今次他一家四口總動員出擊，其5歲大兒子梁雲翀及2歲大女兒梁繕喬均有演出，而其他表演嘉賓還有貴花田和林超榮等。
幫手揸乳房
在台上，梁繼璋大談湊仔經歷，林超榮爆梁太莊嬿藍懷孕谷奶十分辛苦，不過梁繼璋有幫手揸乳房，而梁繼璋為求精采演出，也自爆說：「仔女飲唔晒，咪我自己飲囉。」
此外，雷宇揚近年在內地搞舞台劇製作，他近期製作一個舞台劇本來是做兩場，不過因反應熱烈而演出了50場，他說：「其中有一段係兩位男角熱吻，有次呂良偉捧場睇到大吃一驚，佢奇怪點解會畀咁樣演出，因為我哋唔係賣弄色情，遲啲又會去廣州幫張達明手做棟篤笑。」
採訪、攝影：馬建華