前晚係中秋佳節，無綫喺沙田運動場錄影《沙田月滿樂安居》節目，李克勤、陳奕迅、古巨基同楊千嬅等都有份演出，由於當晚係團圓之夜，眾星為咗可以提早回家做節，大家爭住打頭陣，最後由古巨基第一個出場獻唱，跟住輪到李克勤。
已為人父嘅李克勤，因為趕住返屋企同囝囝賞月過中秋，一家人仲會BBQ，克勤話：「大家都盡量唱完去玩，我今次唱第二，古巨基就叻，爭到唱第一，𠵱家唔興唱壓軸。」
千嬅晒潮鞋
講到囝囝，克勤唔停口：「囝囝雖然未識玩，不過都有買白兔燈籠畀佢，但係就冇畀佢試食月餅。」古巨基未成家立室，點解都要爭唱第一，佢話︰「係無綫安排，唔係我要求。」佢話唱完都要趕返屋企食飯。楊千嬅前晚着咗陳冠希贈送嘅黃色凉鞋到場，她表示完騷後要同爹哋媽咪食飯，點解中秋夜唔同緋聞男友丁子高人月兩團圓？千嬅話︰「我唔想工作時俾人騷擾。」