日本男星妻夫木聰，前日喺東京有樂町同導演阪本順治宣傳新片《黑暗中的孩子們》，聰仔喺戲裏面扮演一名攝影師，仲同扮演記者嘅江口洋介、扮演非政府組織工作人員嘅宮崎葵，一齊探討泰國雛妓同埋非法販賣器官嘅問題。電影自上個月初開畫以嚟大受好評，已經由原來播放嘅7間戲院增加到20間，之後仲會喺全國102間戲院上映，難怪聰仔前日宣傳嘅時候笑到四萬咁口啦。