已經有158年歷史嘅雷曼宣佈破產，跟住美林又話賣盤畀美銀，AIG又話唔掂，睇嚟美國金融海嘯終於殺到，大家真係要打醒十二分精神，唔好心口掛個勇字去撈底。
花旗股市噚晚肯定唔掂，跟住呢個禮拜都好可能一路跌，道指上次跌到10800水平反彈，今次呢個位好有可能失守，大家要盡量保留現金，因為cashisgod。
新地C輪14722：新地（016）上周五報收95.50元，升4.6巴仙，技術走勢幾好，今日料會跟個市跌，但後市應該有機會反彈上99元，可以吼92元低位買入C輪14722，隻輪現價12.4仙，正股升上99元，14722睇14.2仙，正股跌穿88元就沽咗隻輪。
俊樺