大摩最近出份報告都幾「嘩眾」，指內地房地產好可能崩潰。用到「崩潰」這種字眼，梗係嚇人，實質係指地產行業「價格與成交量大幅度下跌」可能性甚高；報告對內房股前景睇得好淡。
自從內地房產股龍頭萬科年中帶頭劈價促銷後，內房股走勢已唔對路，其中華潤置地（1109）於8月初失守10元大關後，近日股價屢創新低。集團上周五公佈業績，管理層表示無意仿效行家減價促銷，又對下半年內地樓市充滿信心。
全球股市氣氛利淡
不過，星俠對大摩份「崩潰」報告有陰影，內地樓市偏淡大環境暫難改變。華潤置地上周五跌至7元後略為反彈，以7.28元收市，冇升跌，惟見10日線已向下屈曲，欲跌穿20日線，技術上呈弱勢。
人行減息雖對內房股有支持，但全球股市氣氛利淡，估計後市仍要反覆尋底。
方星俠