網誌日期：2008-09-15
剛睇到公仔箱一個發人深省、賭海迷途嘅新聞故事，案中一個平凡不過嘅內地中年保安員，竟連續兩年中彩票頭獎，每次500萬人民幣，身家累計近千萬卻令他迷失方向，越賭越大負債纍纍，更詐騙朋友金錢「煲」第3次，最後身陷囹圄，勢難翻身，人生一大諷刺。
人生旅途，難免有失去方寸嘅時候，最重要懂及時修正，最怕被一鋪打殘。世界足球壇活像一個花花世界，你只看C朗成名後一身浮誇打扮，金錢女人名車唾手可得，說話有時語無倫次，更在近日嘲笑隊友朗尼禿頭，呢個世界如日方中，囂張寸星大不乏人。（該文章成為昨天《蘋果體育》網上閱覽次數最多一篇）
睇足球，小弟更喜留意勵志故事，還記得數年前，西布朗有個像安祖莊遜的光頭中鋒李爾曉士，當打肯拼肯纏，事業如日方中，周薪逾20萬港元；但因一次駕駛M系跑車發生車禍，引致他人死亡，更在事後離開現場，終被判坐牢。之後在獄中信奉伊斯蘭教，去年放監，現在32歲仍可踢英甲「1哥」奧咸，表現不俗，人工雖然係高峯期嘅十分一；但有改過機會，行回正途，其實已好幸福。
http://hk.myblog.yahoo.com/appleballmen/
蘋果波神｜個人資料
英國足球狂熱，願能年年去朝拜。
（逢周一至周五見報）
又中二串一，可惜山度士贏少一粒
歐聯開打，但列強分頭乏味！
英冠做今天配角，我對雷丁有信心！