恩斯唔夠料，布力般危險
麥卡倫教川廸仲未開齋，失敗！
曼聯季初又想玩讓賽
網誌日期：2008-09-14
剛做了一個小手術，上周在家時間多了，更可抽時間溫「功課」刨績，果然上周末「蘋果開倉」全面報捷；國際賽後，賭友開始忙個不停，精采賽事多刺激投注意欲，本地馬季今天開鑼後更玩隔日跑，子彈充足又唔想假期出外同人迫者，不愁寂寞。
年紀漸大，身體小毛病漸多，再唔keep好啲，機械好易壞；現今做頂級足球員更是早熟早殘居多，能如曼聯中場孖寶傑斯同史高斯踢到三張幾嘢，實在值得尊重。兩人早退出所屬國家隊，專注為球會打江山，不過小弟上季已指出兩人未必再能保持高水準，當然最後曼聯靠狂勇C朗勇奪雙冠是後話；不過看過他們對利物浦後，我的擔心又來了。
利記排出新陣能反勝曼聯有幸運成份，主要是決心在中場打爛仔波全場壓迫足球，靠對手兩次出錯制勝；相反曼聯中場指揮官史高斯，同下半場換入嘅傑斯，在對手蜂擁搶截下一籌莫展，活力欠奉，支援前線嘅貝碧托夫及泰維斯不足。
紅軍馬斯真蘭奴近月打遍3大洲，阿仙奴禾確特8天內3踢正選鋒芒畢露，可見足球場也是後生仔天下。
http://hk.myblog.yahoo.com/appleballmen/
（逢周一至周五見報）
蘋果波神 個人資料
英國足球狂熱，願能年年去朝拜。