【本報訊】自由黨正、副主席田北俊及周梁淑怡在立法會直選落敗後，政界紛紛猜測民建聯會否借勢與自由黨合併，民建聯主席譚耀宗昨日直言與自由黨合併「完全會有可能」，對雙方都有好處，但他的言論卻引起自由黨成員張宇人強烈反彈，堅決拒絕合併，並指兩黨理念完全不同，「合埋大家只會更辛苦」，又說「我哋今次跌低，睇到邊啲人係我哋朋友」。記者：林俊謙
自由黨前主席李鵬飛在該黨地區直選慘敗後說，自由黨四年內必定遭民建聯吞併，民建聯主席譚耀宗昨日出席港台節目《星期六問責》時，被問到對兩黨合併態度時說，他們不想用「吞併」去形容與自由黨的關係，但又說兩黨加強合作，對雙方都有好處，「通過大家不斷合作，增加大家的信任程度，可能有朝一日大家走埋一齊，呢啲完全會有可能」。
譚又以當年與港進聯合併做例子，「等於我哋曾經同港進聯，大家經過一段相當時間，最後我哋大家都覺得好呀，大家加埋一齊」。譚又指，政黨出現合併「一啲都唔奇怪」，指「一加一可能可以有一個效應會出到嚟，呢個有時都會係件好事」。
「睇到邊啲人係朋友」
不過譚耀宗合併論，卻觸動自由黨神經，張宇人即時反駁譚耀宗，指民建聯的理念跟自由黨「好唔同」，兩黨數年內也不可能合併，到下午他出席一個酒會時，繼續反擊，認為只要回顧兩黨過去八年於立法會的投票紀錄，就能看到「大家理念無可能相同，合埋大家只會更辛苦」。
張宇人又指民建聯對地區選舉策略，主張「有咁多票攞咁多票」，自由黨一向不接受，「通常攞咁多票，就要叫政府多啲開倉派米，但要廣大納稅人負擔呢啲費用，當然好多時會有保留，我哋呢方面睇法好唔同」。
經過今次選舉，張宇人稱自由黨更清楚那些人是真正朋友，「我哋今次跌低，睇到邊啲人係我哋朋友，邊啲以前話係你朋友，但原來唔係你朋友」。
張宇人最後強調「唔去到一個逆境嘅時候，你永遠睇唔到邊啲人真正係你朋友」。
何俊仁：勝敗平常事
除了自由黨反對合併外，民主黨主席何俊仁也認為，自由黨不應因為一次選舉成敗就「摺埋」，不應因此而收窄本港的政治光譜，「勝敗乃兵家常事，民主黨、民建聯過去都輸過」。
你想知 想講 想問？
你對民建聯有意吞併自由黨有甚麼看法？
請即上《蘋果》網頁 http://appledaily.atnext.com留言喇！
或電郵至：mailto:[email protected]
傳真：37112411 手機短訊：63836568