儘管過去幾日美股偏強，亞洲股市卻充當提款機日日跌，當中以港股、A股尤甚，前者在周四跌穿了去年8月17大奇迹日的低位19363，後者近日亦屢創新低，上證指數已逼近2000點邊緣，市場似有強大地心吸力，如此市況，筆者相信大市仍是有得彈無得升，雖然現時跌得急了，有機會出現反彈，但耐心等待高位沽出仍是大方向。
在圖表上，港股現時走勢可謂差強人意，是次熊市最終應會下試17000點，士佳相信只是時間問題而已。雖然聽來嚇人，但現價距離17000其實只有一成左右，可以說話到就到。
恒指最終或見萬七
不過，不少個股已開始出現投資價值，例如內地銀行股業績不俗，所以股價表現一直甚佳，但最近亦隨大市下滑，跌入可吸納的低位，也有不少板塊輪流出現洗倉潮，動輒大跌一成以上，例如內地房地產股可謂跌市重災區，若大市再挫，筆者相信是買貨好時機。
買股票最重「價勢」，如筆者所講，現時大市走勢不妙，現在買股票一定輸了個勢，先蝕頭章，但另一方面，現時買股的價錢卻幾乎一定是靚價，好些股票比高位大跌8-9成，除非是空殼垃圾股，否則絕不會淪落為一文不值。
然而讀者會問，既然最終下試17000，為何不等見底才買？因為無人知曉大市及個股分別於何時見底，好像2003年4月大市見底，其實不少較強勢的優質股早在2002年11月已經率先回升，士佳相信現價買入，一年之內必有更高位出現，而這次會接近2003年市況，即指數必須折騰多次方能見底，雖然不能寄望一買即升，但既然現時大市距離低位並不太遠（點數），大可先行落注。
優質股往往先回升
筆者在現水平會盯上個別正股，若指數再向下，便可搵些弱勢股博吓反彈，但別太貪心，不要一注買晒，因為股價在底部大上大落，波幅之大可以好嚇人，別想一次撈中個底。
反彈之後，便要考慮將資金轉投強勢股（何謂強勢要到時先知），因為強勢股往往便是優質股，熊市底部水平，當然是對優質股重鎚出擊，筆者覺得優質股其實大家都識，只是受周期因素影響捱沽而已，到經濟再起飛，到其時弱股便會變回優質股，不過士佳話過會折騰幾次，所以注碼也記得兵分多路。
張士佳