今日〈你想知 想講 想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●爆發毒奶粉事件後，內地不少居民打算來港搶購奶粉，你有何意見？
姑勿論國家如何成功舉辦奧運，如何取得51面金牌。這次毒奶粉事件，使國家再次蒙羞！——蒙羞
社會主義好（一路唱一路去買毒奶粉……）！社會主義好！毒奶粉？一定又係外國反共勢力在唱衰……——土共
幾年前大頭BB奶粉事件，已吸取教訓話要加強監管，如果認真執行，又點會有今次意外呢？差不多每年都有礦坑崩塌慘劇，次次都話嚴肅處理，但唔使好耐又一鑊……大陸咁多年來做事都係口號式……有時都好無奈。——周身病
●民建聯有意吞併自由黨，你對此事怎麼看？
合併都好嘅，等市民清楚分別邊啲係保皇黨。——合併
自由黨不如改革，加入埋泛民，一齊對抗民建聯啦。——XD
民建聯實質上是中國共產黨領導下的香港總支部……中央政府不會忘記2003年自由黨田北俊退出行政會議，令23條立法突然失敗的往事。得罪了中共，無論你再轉向支持他，他都不會安心的，報復是遲早的事……——民主黨人
●嘉禾大火兩名消防員殉職，燃起消防員不滿起薪點只得一萬四千多元之火。逾千名消防員昨響應工會出席集思會，決定向政府爭取與警務人員同酬，你認為他們的訴求合理嗎？
消防是最危險的職業，每逢死人塌樓就是他們趕去的時候。薪酬應比其他人高。——黎自立
消防真係幾危險，無理由起薪點人工同文職嘢的入境處一樣。——008
香港邊有公平㗎，口號嚟咋！班消防員出生入死都係得萬多元人工，不如叫佢哋齊齊過檔到屯門醫院做仲好喇，行行企企，唔使學歷，月入最少兩萬……——讀者