直選慘敗，懷疑被「自己人」遺棄，還投對手懷抱，當然氣憤不平，提出控訴。但那「自己人」卻指親疏有別，難以兩全，大不了退黨……
都說江湖險惡，政治醜陋，人心莫測，有什麼好「追究」呢？
放諸情場，其實亦一樣。
當初交往，或一見鍾情，或兩廂情願，或互惠互利，或姣婆遇上脂粉客，總之如膠似漆相親相愛。世事難料，碰上更啱key更有feel的狐狸精，當然受不住誘惑。哪個貓兒不嗜腥？態度一百八十度轉變的陳世美，嘴臉怎會好看？
你警覺性低，危機感弱，過份篤定，措手不及。到「告急」牌高舉之際，大勢已去，好夢成空。乞求無效，罵亦傷神，心碎得一片片零落。你揪住要他好好解釋何以一夜之間變心？──冰凍三尺，豈「一夜之間」的寒冷？他皮笑肉不笑道：
「你輸咗畀阿玲嘅心情，我完全理解，你鬧啦，我會接受嘅。之不過阿玲係我同鄉，青梅竹馬，佢第一次都係畀咗我。忠義兩難全，大家感情咁深，揀佢好正常啫。我同你住埋咋，又冇宣誓，正所謂係又得唔係又得。至多分手囉！」
──學到了？千萬別向負心漢追究。只怪你當初為什麼愛上這個無賴？打落門牙和血吞吧。