【本報訊】一部「冚旗」的士昨凌晨駛經旺角亞皆老街交通燈位時，一名醉漢趨前截車被拒後疑發酒癲，情緒失控揮拳擊毀的士擋風玻璃，司機喝止更被打傷。醉漢事後被巡警制服拘捕，一度攬着路旁鐵柱與警員角力，混亂中撞傷滿口鮮血，與的士司機同送院治療後被捕。
遇襲受傷的士司機姓賴（38歲），他於昨凌晨1時許，接載乘客至旺角西洋菜南街旺角中心對開落客後，隨即「冚旗」準備往附近食飯，的士駛前10多米至近亞皆老街街口因紅燈停車。
擊裂的士玻璃打司機
「路邊有個男人想截我車，我同佢講『冚咗旗』唔載客，點知佢突然發咗癲咁，一拳打落的士車頭擋風玻璃打裂咗，我立即落車同佢理論，佢突然打我後腦呀！」無辜被打的士司機憶述經過時一臉無奈。
幸好有警員巡經目擊事件經過，即時趨前喝止，發現姓羅（34歲）涉案男子滿身酒氣，調查後以涉嫌傷人及刑毀罪將他拘捕。
在警員將疑犯帶往警車途中，疑犯突然攬着路旁一支路牌鐵柱不放，與警員角力，糾纏間他口部撞傷滿口鮮血，最終被帶走與受輕傷的士司機，同送院敷藥後被捕帶署調查。