日本男歌手平井堅今年7月6號喺福岡舉行演唱會，被一名31歲男fans喺網上留言預告殺人，威脅中止演唱會。雖然當日個唱未有意外發生，但主辦單位就聘請咗多好護衞加強保安。呢名男子被警方逮捕後，前日喺福岡提堂。佢被個唱主辦單位以妨礙業務罪名控告，最後罪名成立，被罰款120萬日圓（約87,000港元）。