張玉珊昨日聯同鍾麗淇、周倩圯率領修身堂義工隊，到油塘探訪長者中心，與一眾長者玩遊戲之餘，又派送禮物，鍾麗淇又教長者做瑜伽，一同歡度中秋節。
一度危急
鍾麗淇表示近日心情欠佳，其母因病入醫院留醫深切治療部已一個星期，行動及說話也有困難，令家人很擔心，她說：「因為媽咪唔舒服影響心情，今個星期都冇去教瑜伽，上星期媽咪好危急，哥哥都返咗嚟香港，媽咪要靠呼吸機協助，有肌肉萎縮情況，佢患咗霍金嘅病，雖然冇得醫，但係媽咪成日都叫我唔使唔開心。」鍾麗淇指近日其母不用插喉管，還做手勢示意想吃五仁月餅，中秋她也會在醫院陪伴媽咪。
此外，張玉珊指台灣及內地有很多公司盜用其公司及鄭欣宜的名義推出修身咖啡，她表示已交由律師處理。
採訪、攝影：張俊銘